عشان انت مصرى لازم تعانى

موضوع: عشان انت مصرى لازم تعانى 2009-02-25, 07:43

عشان انت مصرى ..

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟

منقول

مع العلم ان دا حقيقي

ولووو
انا مصري وفخور اني مصري
كما قيل
ان لم اكن مصريا لو دت ان اكون مصريااااااااااااااا

موضوع: رد: عشان انت مصرى لازم تعانى 2010-02-20, 16:13

مشكوووووووووووووووور على الكلماااااااااااااااااااات

مع تحيات : الاسبانى عشان انت مصرى لازم تعانى 994954

موضوع: رد: عشان انت مصرى لازم تعانى 2010-02-20, 16:29

يامرحب بأنشط مشرف ع النت

موضوع: رد: عشان انت مصرى لازم تعانى 2010-03-13, 17:41

هههههههههههههههههههههه واد يا مراد انا هيدخلى النت عندى الاسبوع دة
خاليك على اتصال بقى
سلااااااااااااااااااااااااام يا عسل