كيف تصبح مفكرا مبدعا

على طريقه كيف تصبح مليونيرا فى مش عارف كام يوم
هتكلم عن ازاى الواحد يبقى مفكر مبدع فى الحياه مش من ناحيه التفكير العلمى وحل المشكله وكدا لكن عامه فى كل مناحى الحياه

1-اولا انا اعتقد ان كل واحد فينا مفكر ودى نعمه من نعم ربنا علينا لكن كل واحد فينا مفكر بطريقه ومستوى معين وكل ما مستوى تفكيره زاد يزيد ابداعه

يعنى مثلا اكيد كلنا بنفكر فى ان عايزين نشرب وناكل ودى حاجات بيحتاجها كل انسان
اذا انتقلنا لمستوى التفكير فى الحياه يعنى مثلا زى امور الحياه اليوميه من دراسه وشغل ومواصلات الخ
المستوى اللى بعد كدا انك تتامل فى الحياه والاحداث اللى حوليك و احداث العالم او تخرج باشياء من كتاب قريته او سمعت حد بيتكلم فى موضوع جديد اوحدث جديد لسه متعرفوش
طب ازاى؟


نيجى بقى ل

2- اكيد كل واحد فينا بتمر عليه احداث كتير او يصادف مره بنشرة اخبار ويشوف اللى بيحصل فى العالم
حاول هنا بقى انك تكو َن رأى اى رأى تشوفه ومقتنع بيه يعنى شفت مثلا اللى بتعمله اسرائيل فى فلسطين وكونت رايك ان اسرائيل دى دوله همجيه.....
وقياسا بكل الاحداث اللى بتحصل فى حياتنا سواء فى البيت- الكليه- الشغل -الشارع اى مكان واى حدث لازم تفكر فيه وتحدد موقفك منه
ديما خلى علامات الاستفهام مدخلك : مين , فين , ليه ,امتى

حاول من هنا بقى تبنى فكرك من خلال تجيمع كذا وجه نظر وتستخرج رايك وتبدع انت بقى

3- خلاص كدا؟؟ لاااا مش كفايه انك تفكر وخلاص او تقول يا عينى على اللى حصل و بس لازم تعبر عن رايك وفكرك دا مع اهلك مع اصدقائك حتى لو معدهمش خلفيه ابتدى انت واشرح وممكن تكتب رايك كتابه او شارك معانا فى المنتديات المهم انك تخرج فكرك من دائرتك الذاتيه الى دائرة الحوار والنقاش

4-الحوار : مع الكلام والتعبير ممكن تكتشف ان فكرك خلط او ناقص التصليح و التكميل يجى من الحوار والنقاش المحترم الجاد و"الخلاف فى الراى لا يفسد للود قضيه"

5- حاول ديما التطلع الى اتقدم فى حياتك فى كل شئ اقرا كتير فكر وتامل فى الحياه لقد اعطاك الله عقلك ليكى يفكر وليس ليستريح

6- الايجابيه : صحيح احنا عايشين فى ظروف واجواء ممكن تكون بتحبطنا لكن ديما طلما فى حياه فى امل علشان كدا كون ايجابى وبالعمل والعلم والامل تقدر تغير اى شئ

في عام 1899 اقترح تشارلز دويل Charles Doell مدير مكتب براءات الاختراع الأمريكي أن تقوم الحكومة بإغلاق المكتب لأن كل شيء يمكن اختراعه قد اخترع بالفعل !!!
تخيل لو كانو مشيو ورا فكره السلبى

خلال تاريخ العالم لم تتوقف حركه الابداع والاختراع والتاليف من خلال ناس عباقره او عاديين زيينا بس كل اللى كان عندهم عقل يعمل وعزيمه قويه وامل فى الحياه

بس كدا انا قلت اللى شيفه ممكن يخليك بتفكر وتوصل لمرحله شكرا ليكو واسف على التطويل