الرئيسيةمكتبة الصورس .و .جبحـثالتسجيلدخول

شاطر | 
 

 قصيده انا وشيطان قصيده جميله جدا عايز الكل يقراها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
adam
مشـــــــرف
مشـــــــرف


ذكر
عدد الرسائل : 112
العمر : 33
الموقع : http://www.aadams.tk/
السٌّمعَة : 0
نقاط : 3442
تاريخ التسجيل : 19/08/2008

مُساهمةموضوع: قصيده انا وشيطان قصيده جميله جدا عايز الكل يقراها   2008-08-27, 21:52

انا والشيطان

وانا قاعد فى ساعة الصبحية

مزاجى اتقلب عليا شوية

قولت اقوم افك على نفسى<

اقرالى حاجة مسلية

ولا اقولك هاسمعلى اغنية

واغنية ورا اغنية
والظهر اذن عليا

قولت اقوم اصلى

قولت لسه على العصر شوية

وشوية وقومت اصلى الظهر

افتكر البت قالتلى ابقى رن عليا

رحت رانن

راحت متصلة بيا

قالتلى نخرج شوية

قولتلها امرك .. من عنيا

وقومت ولبست

ونزلت وخرجت

وقعدنا واتمشينا

وروحنا وجينا

وبعد ساعتين وشوية

قالتلى ابويا هايقلق عليا

ورحت ووصلتها

ورجعت على البيت

وقعدت اريح على السرير

افتكرت موضوع خطير

ده انا لا صليت ظهر ولا عصر

قولت هخلاص هاقوم

رنت التليفون على طول

ايوة مين

حبيبك امين

ازيك يا باشا

نهارك بغاشا يالا خارجين

يابنى على فين

سهرة من اللى هيه

بس انا لسه داخل من شوية

ياعم يالا هو العمر فيه بقية

وعليها وروحت نازل

ولا حتى غيرت هدومى

قولت هافك عن همومى

وهب ورحنا ديسكو

ايشى لابسه وايشى عامله

قولت حلوة الدنيا دية

الواحد يعيشلو فيها شوية

وقومت رقصت وهيصت

ولدى غمزت ولدى بصبصت

وروحنا واحنا معانا شوية بنات

قولنا هاتبقى ليلة من اللى هيه

وعليها وقومنا ماشيين

وصحبى دور العربية

وعليها وشغل اغنية

مافيش نص ساعة

اتقلبت بينا العربية

انا فين روحت فين جيت منين

من المنظر قلبى انفطر

صحابى مترمين حوالية

اقعد انده فيهم

محدش بيرد عليا

طب قوم طب قومى

محدش بيتحرك

ماااااااااااااتو كلهم ؟

مابقيتش مصدق نفسى

ومن الخضه جسمى قشعر

كان ممكن اموت زيهم

وكان مصيرهم هو مصيرى

ما انا كنت واحد منهم

الله أعلم يا ترى بيحصلهم ايه

ظهرلى خيال من بعيد

وعمال عليا بيقرب

ومره واحده لاقيته واقف ادامى

شخص قبيح عجوز

قولتو انت مين

اللى انا اللى مضيع البنى ادمين

انا الشيطان

موجود من زمان

عدو بنى الانسان

قولتلو انت السبب فى اللى احنا فيه

شوفت اصحابى حصلهم ايه

قاللى وهو انا كنت معاكم يا بيه

قولتله مافيش غيرك بيرمينا فى الشرار

قاللى كان ادامك الاختيار

وانت اللى روحت للشر

مش هو اللى بيجيلك

لاحد غصب عليك

ولا ح ضربك على ايدك

واصحابك نفس الحوار

وانا مهمتى اوديهم للنار

وانت يا ابن ادم بعدت عن مهمتك

وخسرت دنيتك واخرتك

وقاللى انا وراك مهم تعدى السنين

وراك يا ابن ادم

مش هادخل لوحدى الجحيم

وشوية ولاقيت كله بيختفى

والدنيا بتسود

ومابقيتش شايف حاجة

وصوت بينده عليا

وبيعلى وبيعلى وبيعلى

وفجاة قومت اتفزعت

واتارينى كنت نايم

قومت وحمدت الله انى كنت بحلم

وقولت اكيد ده انذار

لاقيت امى بتنده عليا

بتقوولى احضرلك فطار

وساعة الظهر اذن

رحت فى ساعتها قومت اصلى

وقلتلها يستنى الفطار

وقولت لنفسى كل شىء بيستنانا

الا الموت احنا بنستناه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.aadams.tk
Admin
مدير الموقع
مدير الموقع
avatar

ذكر
عدد الرسائل : 229
العمر : 30
البلد/الدوله : مصر
السٌّمعَة : 0
نقاط : 5089
تاريخ التسجيل : 11/07/2008

مُساهمةموضوع: رد: قصيده انا وشيطان قصيده جميله جدا عايز الكل يقراها   2008-08-30, 22:22

ايه الجمال دا
والله الشعر دا جامد جدا واثر فيا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlanew.yoo7.com
mastar2
مـــراقب عـــام


ذكر
عدد الرسائل : 130
العمر : 37
الموقع : www.gn4me.com
البلد/الدوله : egypt
السٌّمعَة : 0
نقاط : 3494
تاريخ التسجيل : 19/08/2008

مُساهمةموضوع: رد: قصيده انا وشيطان قصيده جميله جدا عايز الكل يقراها   2008-11-15, 11:53

جميل والله جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://s1.ae.bitefight.org/c.php?uid=94617
 
قصيده انا وشيطان قصيده جميله جدا عايز الكل يقراها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحلـــــــNEWـــــى :: منتديات اخري :: منتدي الشعر والادب-
انتقل الى: