adam مشـــــــرف
عدد الرسائل : 112 العمر : 40 الموقع : http://www.aadams.tk/ السٌّمعَة : 0 نقاط : 5806 تاريخ التسجيل : 19/08/2008
| موضوع: ده زجل فكاهى كده على الماشى يا ريت يكون دمه خفيف على قلبكم 2008-09-22, 20:43 | |
| فرح فى الحارة *************
هيصة وزيطة ف قلب الحارة اصل النهاردة فرح بنت الجارة اعلام وزينة والوان وحاجات حلوة كمان وكمان
جوه البيت الكل بيجرى باين عليهم اتاخروا ع المجرى اللى تصب الشربات ف كبابى واللى تعلى صوتها وتنادى فين الحنة والبخور ؟ اصل الليلة ليلة سرور
ناس بتنم وناس بتذم واللى تمصص تمصيص واللىتقول ده قماش رخيص
وناس بالخير عمرانة قلوبهم خايفين يزودوا ذنوبهم بيقولوا بصوا ع الموبيليا فعلا حاجة جميلة وهايلة
جايبين كوافيرة للعروسة ف البيت تعمل لها كحكة زوزو وزنبليط وواحدة بتدى العيال بنبونى اخدلى واحدة الا ينسونى
ناس ف المطبخ عمالة تطبخ وناس تانية عاملة تنفخ فيه ايه حصل ايه ؟ مش عارفين العريس اتاخر ليه ؟
صوت الزمارة من اول الحارة جت عربية تعبانة ومشخعلة كل حتة فيها مخلعة جواها العريس ع سنجة عشرة اكنه رايح يقرا النشرة
ابو العروسة اتاخرت ليه يبنى ؟ معلش يا عمى اصلها دايما تتعبنى عطلت منى ف وسط السكة وخليت عربية كارو تسحبنى
وشكرا | |
|
mastar2 مـــراقب عـــام
عدد الرسائل : 130 العمر : 43 الموقع : www.gn4me.com البلد/الدوله : egypt السٌّمعَة : 0 نقاط : 5858 تاريخ التسجيل : 19/08/2008
| موضوع: رد: ده زجل فكاهى كده على الماشى يا ريت يكون دمه خفيف على قلبكم 2008-11-14, 22:57 | |
| يااااااااااااااااااااااة دة خفيف جدا وزى العسل واللى كتبة ورد وياسمين | |
|